Самарқанд вилоятининг Паст Дарғом туманидаги шифохонада ҳомиладор аёл вафот этди. Бу ҳақда жамоатчиликка хабар берган бошқарма масъулига кўра, аёлда 22 декабрь куни соат 10:35 да биологик ўлим кузатилган.
Дастлабки ўрганишларга кўра, жорий йилниниг 22 декабрь куни соат тонги 04:00 да Паст Дарғом туман тиббиёт бирлашмасининг туғруқ бўлимига шу туманнинг “Истиқлол” маҳалласида яшовчи фуқаро З.Б. қорин қисмида дардсимон оғриқ борлиги, кўнгил айниши каби шикоятлари билан мурожаат қилган, — дейилади бошқарма хабарида.
Маълум бўлишича, 2001 йилда туғилган бемор шифохонага қайнонаси ҳамда турмуш ўртоғи ҳамроҳлигида, тез тиббий ёрдам машинасида олиб келинган.
Тезкор тиббий кўриклар натижасида ҳомиладор аёлнинг иккинчи ҳомиласи ва ҳомиланинг 38 ҳафталиги аниқланган. Беморда чалғитувчи, ёлғон туғуруқ белгилари, кам қонликнинг ўрта оғир даражаси бўлган, — дейди масъул.
Қўшимча қилинишича, 2022 йил 18 июль куни бемор аёлда ўнг кичик болдир суяги пастки учлигида ўсма аниқланган. Шу сабаб у Республика ихтисослаштирилган онкология ва раддиология илмий амалий тиббиёт маркази Самарқанд филиалида жарроҳлик амалиётини ўтказган.
Ҳомиладор аёл ўша куни туман тиббиёт бирлашмасининг туғуруқ бўлимида шифокорлар кузатувида бўлган. Бироқ белгиланган стандартлар бўйича кўрсатилган муолажааларга қарамасдан, соат 10:35 да вафот этган. Шундан сўнг, ҳолат юзасидан туман ИИБга хабар берилган ва марҳума суд тиббий экспертиза бюроси текширувларига юборилган.
Тиббий текширувлар натижалари ва ўрганиш хулосалари бўйича қўшимча маълумот берилишини маълум қиламиз, — дейилади бошқарма ахборотида.
Изоҳ (0)