Futbol bo‘yicha Klublar o‘rtasidagi Jahon chempionati finalida “Manchester Siti” 22-dekabr, juma kuni “Fluminense” bilan bahs olib bordi.
Uchrashuvning ilk daqiqasidayoq Xulian Alvares hisobni ochdi. Natan Akening uzoqdan bergan zarbasini Braziliya klubi darvozaboni qaytardi, qaytgan to‘pni esa Alvares darvozaga joylab qo‘ydi. 27-daqiqada Nino o‘z darvozasini ishg‘ol qilib qo‘ydi. Birinchi bo‘lim 2:0 hisobida yakunlandi.
Ikkinchi bo‘limda “shaharliklar” yana gol urdi. 72-daqiqada Fil Foden hisobni yiriklashtirdi. O‘yin oxirida Xulian dublni rasmiylashtirdi. Uchrashuv Pep Gvardiola shogirdlarining 4:0 hisobidagi g‘alabasi bilan yakunlandi.
Shu tariqa “Manchester Siti” 2023-yilgi klublar o‘rtasidagi jahon chempionati g‘olibiga aylandi.
Klublar o‘rtasidagi JCH
Final
22-dekabr, juma
“Manchester Siti” (Angliya) — “Fluminense” (Braziliya) 4:0
Gollar: 1:0 – 1 Alvares, 2:0 – 27 Nino (avtogol), 3:0 – 72 Foden, 4:0 — 88 Alvares.
“Manchester Siti”: Ederson, Uoker, Stounz (Gvardiol, 75), Ruben Diash, Ake (Bobb, 81), Lyuis (Kovachich, 61), Grilish, Bernardu Silva, Rodri (Akanji, 74), Foden (Mateush Nunesh, 81), Alvares.
“Fluminense”: Fabio, Samuel Shaver, Nino (Marlon, 74), Melo (Diogo Goyyano, 61), Marselo (Gomes da Kosta, 61), Ganso (Vinisius Lima, 60), Aryas, Martinelli, Andre, Kano, Keno (Jon Kennedi, 46).
Ogohlantirishlar: Marselo (57), Gomes da Kosta (68), Jon Kennedi (84).
Izoh (0)