Toshkent shahar hokimligi tadbirkorlarni yerusti metro liniyalari ostidagi hududlardan foydalanish bo‘yicha hamkorlikka chaqirdi.
Qayd etilishicha, yerusti metro liniyalari ostidagi foydalanilmayotgan yerlarning umumiy maydoni 100 ming kvadrat metrni tashkil etib, uning kamida 50 foizi tadbirkorlar uchun qo‘shimcha daromad nuqtasiga aylanishi va shu orqali aholi farovonligi, hududlardan foydalanish samaradorligini oshirishga xizmat qilishi mumkin.
Bundan tashqari, ushbu binolarni sotib olish yoki ijarasi narxi turar joy majmualarining birinchi qavatlaridagi noturarjoy obyektlariga nisbatan ancha hamyonbop. Ilgari bu joylarda bolalar o‘yin maydonchalari, sayr qilish uchun hududlar yaratilgan bo‘lib, ular bolalar, ularning onalari va buvilarining sevimli maskaniga aylangan edi. Qish fasli yaqinlashayotgani munosabati bilan keyinchalik ularda joylashgan do‘konlar, qahvaxonalar va o‘yin maydonchalariga tutash hududlar aholisi uchun yana bir qulay maskanga aylanishi kutilmoqda.
Sinov tariqasida o‘tgan yilning o‘rtalarida 2-metro bekati yaqinida tijorat binolari ochilgan. Loyiha muvaffaqiyatli amalga oshirilgach, uni 3 va 4-stansiyalar oralig‘ida — aholi zichroq joylashgan hududlarda amalga oshirishga qaror qilindi.
Keyinchalik, birinchi bosqichda “Rohat” aylanma yo‘ligacha, ikkinchi bosqichda esa “Rohat” aylanma yo‘lidan “Qo‘yliq” bozorigacha bo‘lgan obyektlar tashkil etish rejalashtirilgan.
Albatta, biz bunday ish sur’ati normal emasligini tushunamiz, tezkor ish sur’ati mahalliy aholi uchun keltiriladigan noqulayliklar davomiyligini qisqartirish va ushbu mavsumda qulay ob-havo sharoitidan foydalanish istagi bilan izohlanadi. Bu borada shahar va tuman hokimliklari boshlagan ishni tezroq nihoyasiga yetkazish uchun birlashdi, — deyiladi xabarda.
Vaziyatdan va ushbu obyektlarga bo‘lgan katta qiziqishdan foydalangan holda, hokimlikning Investitsiya boshqarmasi manfaatdor shaxslarga ushbu joylarni ijaraga olish imkoniyati haqida ma’lum qiladi. Murojaat uchun telefon raqami: 71-210-02-50.
Eslatib o‘tamiz, 2021-yilning oktyabrida prezident Shavkat Mirziyoyev “Toshkent metropoliteni faoliyatining samaradorligini oshirish chora-tadbirlari to‘g‘risida”gi qarorni imzolagandi. Unga ko‘ra, Toshkentdagi 6 ta metro bekati atrofida avtoturargohlar tashkil etilishi belgilangan.
Izoh (0)