Oxirgi ikki kun ichida Eron Islom inqilobi qo‘riqchilari korpusi Suriya janubidagi hududlarga katta harbiy qo‘shimcha kuchlarni yubordi. Bu haqda Eye of Euphrates xabar berdi.
Xabarga ko‘ra, Eron xavfsizlik boshqarmasi xodimlari himoyasida 300 dan ortiq Iroq va Afg‘oniston millatidan bo‘lgan harbiy kuchlar Iroqdan Suriyaga o‘tkazilgan. Barcha harbiylar o‘rta va qisqa masofaga uchuvchi raketalarni qo‘llash bo‘yicha maxsus tayyorgarlikdan o‘tgan, ular orasida dron mutaxassislari ham bor.
Eron harbiylari rejim kuchlariga tegishli avtobuslar hamda shia ziyoratchilarni tashish uchun mo‘ljallangan boshqa ulovlardan foydalangan holda harbiylarni tashigani aytilmoqda.
Eslatib o‘tamiz, Eron prezidenti Ibrohim Raisiy noyabr oyi boshida HAMAS siyosiy byurosi rahbari Ismoil Haniya bilan uchrashuvda harakat vakillaridan Tehron va Livanning “Hizbulloh” partiyasiga murojaat qilib, Isroil bilan urushga kirishish haqidagi ommaviy chaqiriqlarni bas qilishni talab qilgandi.
Izoh (0)