Rossiyaning Sverdlovsk viloyatida bir yoshli bola chiroqli marjonlar tufayli elektr toki urishidan vafot etdi. Bu haqda Baza xabar berdi.
Hodisa 14-dekabr kuni sodir bo‘lgan, bola o‘z xonasida o‘ynab o‘tirgan. Ona uy yumushlari bilan band, ota esa ishda bo‘lgan. Bolaning e’tiborini yorqin chiroqli marjonlar jalb qilgan. U simga qo‘l cho‘zib, tasodifan uni rozetkadan chiqarib olgan, oqibatda bolani tok urgan.
Biroz vaqt o‘tgach, ona bolani hushsiz holda topgan. U tez yordam chaqirgan, biroq shifokorlar chaqaloqni saqlab qola olmagan. Aniqlanishicha, 16-dekabr kuni bola bir yoshga to‘lishi kerak bo‘lgan.
Izoh (0)