Indoneziyadagi Marapi vulqonining otilishi oqibatida halok bo‘lganlar soni 13 kishiga yetdi. Bu haqda Padang qidiruv-qutqaruv xizmati rahbari Abdul Malik ma’lum qildi.
Indoneziya rasmiylari 3-dekabr, yakshanba kuni tushdan keyin Marapi vulqoni otilishi oqibatida 75 nafar alpinist qamalib qolganini ma’lum qilgandi. Ularning 49 nafari muvaffaqiyatli evakuatsiya qilingan.
Malikning aytishicha, 10 nafar alpinist hamon bedarak yo‘qolgan, qutqaruvchilar hozirgacha jami 52 kishini evakuatsiya qilishga muvaffaq bo‘lgan.
Qutqaruv operatsiyasiga davom etayotgan vulqon faolligi va noqulay ob-havo sharoiti to‘sqinlik qilmoqda.
Izoh (0)