Toshkentning Sergeli tumanidagi 47-maktab hovlisidan ayol kishining jasadi topildi. Bu haqda Bosh prokuratura matbuot xizmati xabar berdi.
Ma’lum qilinishicha, jasad 1-dekabr kuni soat 7:30 larda topilgan bo‘lib, u Sirdaryo viloyati Sardoba tumanida yashovchi M.M. bo‘lgan. 1979-yilda tug‘ilgan ayol vaqtinchalik ishsiz bo‘lib, Toshkent ko‘chalarida yashab kelgan.
Murdaga o‘sha kunning o‘zida sud-tibbiyot ekspertizasi tayinlangan. Ekspertizaning dastlabki ma’lumotnomasiga ko‘ra, M.M. ning o‘limi “surunkali yurak ishemik kasalligi, kardioskleroz, o‘tkir yurak qon-tomir yetishmovchiligi, alkagoldan o‘tkir zaharlanish, bosh, yuqori va pastki lab yumshoq to‘qimalari lat yeyishi, pastki lab ezilib yirtilgan yarasi, yuz, tana, qo‘l va oyoq sohalari qontalashmalari va teri shilinmalari, ichki a’zolari to‘laqonligi” natijasida vujudga kelgani aniqlangan.
Hozirda mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Izoh (0)