Namanganda gazga noqonuniy ulanib, foydalangan yakka tartibdagi tadbirkor 1 mlrd so‘mdan ortiq zararni to‘laydigan bo‘ldi.
Uning gazdan noqonuniy foydalangani “Hududgaz Namangan” gaz ta’minoti filialining “Namangan shahargaz” bo‘limi xodimlari tomonidan aholi xonadonlari va soha obyektlarida olib borilayotgan o‘rganishlari vaqtida aniqlangan.
Yangi Namangan tumanidagi Axsikent mahallasi 1-Komil Yormatov ko‘chasida joylashgan yakka tartibdagi tadbirkor “B.A.” kulolchilik sexida gaz hisoblagichdan tashqari yer ostidan yashirincha gaz quvuri tortgan.
Mazkur holat bo‘yicha dalolatnoma rasmiylashtirilib, tabiiy gaz sarfi qayta hisoblangan va 1 milliard so‘mdan ortiq jarima belgilangan. Noqonuniy ulangan quvur payvandlash uskunasi orqali tarmoqdan ajratilgan.
Tabiiy gazdan noqonuniy foydalanish holati bo‘yicha barcha tegishli hujjatlar huquqni muhofaza qiluvchi organlarga taqdim etilgan.
Bundan avval Farg‘onada ohak sexi 1 milliard so‘mlik gazdan noqonuniy foydalangani aniqlangandi.
Izoh (0)