Тошкентнинг Сергели туманидаги 47-мактаб ҳовлисидан аёл кишининг жасади топилди. Бу ҳақда Бош прокуратура матбуот хизмати хабар берди.
Маълум қилинишича, жасад 1 декабрь куни соат 7:30 ларда топилган бўлиб, у Сирдарё вилояти Сардоба туманида яшовчи М.М. бўлган. 1979 йилда туғилган аёл вақтинчалик ишсиз бўлиб, Тошкент кўчаларида яшаб келган.
Мурдага ўша куннинг ўзида суд-тиббиёт экспертизаси тайинланган. Экспертизанинг дастлабки маълумотномасига кўра, М.М. нинг ўлими “сурункали юрак ишемик касаллиги, кардиосклероз, ўткир юрак қон-томир етишмовчилиги, алкаголдан ўткир заҳарланиш, бош, юқори ва пастки лаб юмшоқ тўқималари лат ейиши, пастки лаб эзилиб йиртилган яраси, юз, тана, қўл ва оёқ соҳалари қонталашмалари ва тери шилинмалари, ички аъзолари тўлақонлиги” натижасида вужудга келгани аниқланган.
Ҳозирда мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Изоҳ (0)