“Меҳридарё” лойиҳасига Сирдарё вилоятида яшовчи Шоҳсанам Тўхтабоева мурожаат қилиб, оққонга чалинган ўғли Хумоюнмирзо Абдуваҳобовни даволаш учун халқдан ёрдам сўради.
— Ўғлим 2022 йили бир кеча кундузнинг ўзида юролмай қолди. Текширтиргани олиб борсак буйраги шишган дейишди. Ўнг буйрак ишламаётгани учун боланинг ҳаракати чекланаётганини айтишди. Қони камлиги учун аҳволи оғирлашиб, жонлантириш бўлимига ётқиздик. Икки марта ўғлимга қон қуйишди, аммо танаси қабул қилмади. Тошкентдаги шифокорлар қайта ташхис олиб, болам оққонга чалинганини айтди.
2019 йили қайнонамда ҳам кўкрак саратони аниқланганди. “Мени эмас, болани даволатинглар. У дунёга келиб нимани кўрди?”, деб кўп айтарди. Қайнонам ҳам набирасига сиқилиб, бу дунёдан ўтиб кетди.
Турмуш ўртоғим кунлик ишга чиқади, топгани рўзғордан ортмайди. Ҳозир ҳам боламни даволатишимиз керак. Аммо қўлимизда маблағ бўлмагани учун касалхонага ётқиза олмаяпмиз. Болам бу дунёга келиб, игна ва осма уколдан бошқа ҳеч нарсани кўргани йўқ. У ҳам даволаниб, бошқа болалар сингари ўйнаб-кулишини истайман, — дейди Шоҳсанам Тўхтабоева.
Хумоюнмирзо Абдуваҳобовга хайрия қилишни истасангиз,
8600 0604 2689 7626 (Tukhtabayeva Shokhsanam)
Мурожаат учун: +(998 90) 687 27 69
Изоҳ (0)