2023-yilning noyabr oyi davomida rossiyalik harbiylarning yo‘qotishlari kuniga o‘rtacha 931 kishini tashkil etgan. Bu haqda Britaniya harbiy razvedkasiga tayanib, BBC xabar berdi.
![](/static/2023/photo_2023-11-27_19-08-24.jpg)
So‘nggi olti hafta ichida Rossiya armiyasi yo‘qotishlari butun urush davomida eng yuqori ko‘rsatkichni qayd etdi. Ilgari Rossiya eng yuqori yo‘qotishlarni 2023-yil mart oyida Baxmutga hujum chog‘ida ko‘rgan. O‘shanda kunlik yo‘qotishlar o‘rtacha 776 kishini tashkil etgan.
“Britaniya harbiy razvedkasi halok bo‘lganlar va yaradorlarning umumiy sonini hisoblash metodologiyasini tasdiqlay olmasa-da, bu raqamlar ishonchli ko‘rindi”, — deyiladi xabarda.
Hozirgi katta yo‘qotishlarga asosan Rossiyaning Avdeyevka shahriga hujumi sabab bo‘lmoqda.