Rossiya qo‘shinlari ikki oydan beri Donetsk yaqinidagi Avdeyevka shahrini egallashga urinmoqda. Bild nashri frontdagi vaziyat haqida ma’lumot berdi.
Xabarga ko‘ra, ilgari rus qo‘shinlari janubi-g‘arbda Vodyanoye qishlog‘idan va shimoli-g‘arbda esa Stepovoye qishlog‘iga hujum qilib, Ukraina harbiylarini qurshab olishga harakat qilgan.
“Hozircha Rossiya qurolli kuchlari bu hududlarda muvaffaqiyatsizlikka uchramoqda va katta yo‘qotishlarga duchor bo‘lmoqda”, — deb yozadi Bild.
Harbiy ekspert Yulian Ryopkening so‘zlariga ko‘ra, Rossiya endilikda Avdeyevka uchun jangda uchinchi frontni ochdi. Yangi yo‘nalishda rus qo‘shinlari 2014-yildan beri davom etib kelayotgan mustahkamlangan Ukraina mudofaasini yorib o‘tgan.
Ryopke ta’kidlaganidek, Rossiyaning ushbu yangi yo‘nalishdagi hujumlari qanchalik muvaffaqiyatli ekanini baholash hali ham qiyin. Gap kamida 0,5 kilometr oldinga siljish haqida ketmoqda
Izoh (0)