Ijtimoiy tarmoqlarda 20-noyabr kuni tungi soat 02:12 larda Farg‘ona viloyati Qo‘shtepa tumanidagi “Sarmazor” jome masjidiga Damas’da nomaʼlum shaxslar kelib, ehson qutisini olib ketganligi aks etgan video tarqalgan edi.
Farg‘ona viloyati IIB axborot xizmatining “Daryo”ga maʼlum qilishicha, E.N. o‘ziga tegishli Damas’da sheriklari B.V. hamda S.A. birga ichida 80 ming so‘m bo‘lgan ehson qutisini olib ketgani aniqlangan.
“O‘tkazilgan tergovga qadar tekshiruv harakatlari davomida E.N., B.V. hamda S.A.lar birga Oltiariq tumanidagi jome masjidlaridan ham ehson qutilarini o‘g‘irlaganliklari aniqlangan”, — deyiladi viloyati IIB axborotida.
Qo‘shimcha qilinishicha, hozirda ulardan qo‘lqop va niqoblar daliliy ashyo tariqasida olinib, tergovga qadar tekshiruv harakatlari davom ettirilmoqda.
Izoh (0)