Andijon viloyatining Marhamat tumanidagi Al-Buxoriy masjidiga qarashli ehson qutisini olib qochib, ichidagi pullarini o‘g‘irlashga uringan o‘spirinlar jarima to‘laydigan bo‘ldi. Bu haqda “Daryo”ga Marhamat tuman Ma’muriy sudi sudyasi Akmaljon Alijonov xabar berdi.
Ma’lum bo‘lishicha, 19 yoshli V.M. va uning sherigi Yu.F. 2020-yil 28-may kuni Marhamat tumani “Dukchi Eshon” mahallasi hududida joylashgan Al-Buxoriy masjidiga tegishli bo‘lgan ehson qutisini o‘g‘irlaydi va ichidagi 287 ming so‘m pulga ega chiqmoqchi bo‘ladi. Biroq o‘g‘rilar Milliy gvardiya xodimlari tomonidan voqea joyida qo‘lga olingan.
Sud fuqarolar ishini ko‘rib chiqib, ularni Ma’muriy javobgarlik to‘g‘risidagi kodeksning 61-moddasi (Oz miqdorda talon-toroj qilish) ning 1-qismida nazarda tutilgan huquqbuzarlikni sodir etishda ayblagan va har biriga 223 ming so‘m jarima tayinlagan.
O‘g‘irlangan pullar esa masjid ma’muriyatiga qaytarilgan.
Izoh (0)