Antarktida yaqinida joylashgan dunyodagi eng katta A23a aysbergi 30 yil ichida birinchi marta siljidi. Bu haqda Fox News xabar berdi.
A23a aysbergi 1500 kvadrat milya maydonni egallaydi va og‘irligi deyarli bir trillion tonnani tashkil qiladi. Olimlar noyabr oyining oxirida muz bloki harakatining boshlanishini qayd etgan. U Antarktidaning sayoz suvlaridan chiqib, Janubiy okeanning katta qismiga kirib, “aysberglar xiyoboni” deb nomlanuvchi yo‘l bo‘ylab harakatlanishi prognoz qilingan.
“Aysberg Janubiy Jorjiya oroliga yetib borishi bilan yana ko‘tarilishi mumkin, bu hudud faunasiga salbiy ta’sir qiladi”, — deydi mutaxassislar.
Muz qatlami hayvonlarning ozuqa iste’molini to‘sib qo‘yishi mumkin.
“Shuningdek, A23a iliqroq suvlarga kirishi bilan kichikroq bo‘laklarga bo‘linishi mumkin. Eriyotgan aysberg oxir-oqibat unda ming yillar davomida saqlangan minerallarni chiqarib yuborishi mumkin. Minerallar mintaqadagi organizmlarni ba’zi oziq moddalar bilan ta’minlaydi, ammo qisqa muddatda yo‘qotilgan ozuqa o‘rnini bosa olmaydi”, — deydi ekspertlar.
Mutaxassislarning ta’kidlashicha, yana bir variant bor, bu ham yaxshi natija bermaydi — aysberg Janubiy Jorjiya qirg‘oqlariga bormaydi va Janubiy Afrika tomon suzib ketadi va u yerda yuk tashuvchi transportlarning yo‘nalishlarida yirik muammolarni keltirib chiqarishi mumkin.
Izoh (0)