Дунёдаги энг катта айсберг 30 йил ичида биринчи марта ҳаракатлана бошлади

Антарктида яқинида жойлашган дунёдаги энг катта А23а айсберги 30 йил ичида биринчи марта силжиди. Бу ҳақда Fox News хабар берди.

А23а айсберги 1500 квадрат миля майдонни эгаллайди ва оғирлиги деярли бир триллион тоннани ташкил қилади. Олимлар ноябрь ойининг охирида муз блоки ҳаракатининг бошланишини қайд этган. У Антарктиданинг саёз сувларидан чиқиб, Жанубий океаннинг катта қисмига кириб, “айсберглар хиёбони” деб номланувчи йўл бўйлаб ҳаракатланиши прогноз қилинган.

“Айсберг Жанубий Жоржия оролига етиб бориши билан яна кўтарилиши мумкин, бу ҳудуд фаунасига салбий таъсир қилади”, — дейди мутахассислар. 

Муз қатлами ҳайвонларнинг озуқа истеъмолини тўсиб қўйиши мумкин. 

“Шунингдек, А23а илиқроқ сувларга кириши билан кичикроқ бўлакларга бўлиниши мумкин. Эриётган айсберг охир-оқибат унда минг йиллар давомида сақланган минералларни чиқариб юбориши мумкин. Минераллар минтақадаги организмларни баъзи озиқ моддалар билан таъминлайди, аммо қисқа муддатда йўқотилган озуқа ўрнини боса олмайди”, — дейди экспертлар.

Мутахассисларнинг таъкидлашича, яна бир вариант бор, бу ҳам яхши натижа бермайди — айсберг Жанубий Жоржия қирғоқларига бормайди ва Жанубий Африка томон сузиб кетади ва у ерда юк ташувчи транспортларнинг йўналишларида йирик муаммоларни келтириб чиқариши мумкин.