O‘zbekiston enegrotizimi bu yilgi qish mavsumiga qay darajada tayyor? Energetika vaziri Jo‘rabek Mirzamahmudov 22-noyabr kuni Oliy Majlis Qonunchilik palatasining “Hukumat soati”da bu savolga javob berdi.
“O‘tgan yili anomal sovuq nimalarga tayyormiz-u, qanday muammolarimiz borligini shunday ko‘rsatib berdi. Bu yilgi qish mavsumiga qay darajada tayyormiz? Qanday tayyorgarliklar amalga oshirilmoqda?”, — deb so‘radi deputat Umida Rahmonova.
Energetika vaziri so‘zining avvalida bu yil noyabr oyi issiq kelgani, shunga ko‘ra isteʼmol ham biroz pastroq ekanini, o‘tgan yili noyabr oyida generatsiya quvvatini hisobga olgan holda kunlik cheklov kiritilganini eslatib o‘tdi.
Uning taʼkidlashicha, Toshkentdagi muammolar tahlil qilinganida tabiiy gaz bosimi tushib ketishi, yaʼni istish imkoniyati bo‘lmaganidan keyin elektr-energiya ko‘p sarflandi. Natijada yukalamani ko‘tarolmasdan transformatorlar, simlar yonib ketdi. Podstansiyalarda avariyalar yuzaga keldi. Shuningdek, isitish stansiyalarida gaz bosimi tushib ketdi.
“Nimar qilindi? Bizda eng muammoli bo‘lgan Yunusobod, Olmazor tumanlaridagi yirik podstansiyalarda alohida kabellarni boshqa podstansiyalarga taqsimlagan holda shahar bo‘ylab liniyalar tortilib, yuklamani birinchi o‘rinda pasaytirdik. Ikkinchidan, isitish markazlarida gaz bosimi tushib ketgan. Chunki aholi tarmoqqa ulangan bo‘lgan. Shuning uchun alohida gaz quvuri sanoat tarmog‘idan tortib kelindi.
Agarda gaz bosimi tushib ketganda qolgan katta stansiyalarda mazut yoqish imkoniyati bo‘lsa, mazut yoqib issiqlikni ushlab turish imkoniyati bo‘lmagan. Bu qozonxonani to‘liq taʼmirlab, mazut yoqishga ixtisoslashtirildi. Hozirgi kunda o‘sha joylarda 2 ming tonnadan mazut zaxirasi yaratildi. Yaʼni kafolatlangan issiqlik tizimi bo‘ladi.
Anomal sovuq kelsa yoki biror avariyaviy holatlar bo‘lganda biz algoritm ishlab chiqqanmiz. Zarur bo‘lsa qaysi yirik isteʼmolchilarni to‘xtatib turishgacha algoritm ishlab chiqilgan. Mazut zaxirasi qilindi, kafolatlangan tabiiy gaz zaxirasi yaratildi", — deydi vazir.
Izoh (0)