Bugun, 5-oktabr kuni AOKAda Gidrometeorologiya xizmati agentligi tomonidan matbuot anjumani o‘tkazildi. Unda jurnalistlar tomonidan kirib kelayotgan 2023—2024-yil qish mavsumida anomal savuq yana kuzatiladimi, degan savol berildi.
.jpg)
Agentlik boshqarma boshlig‘i Azimjon Narzullayevning javob berishicha, ob-havo prognozlari bo‘yicha 2023—2024-yil qish mavsumida 2023-yil yanvardagi kabi juda past darajadagi anomal sovuq harorat kutilmaydi.
“Ammo bir holatda bo‘lsa ham, shimoldan rivojlangan sovuq atisiklonlarning mintaqaga kirib kelishida respublikaning katta qismida haroratning minus 7–12 darajagacha, shimolda minus 17–22 darajagacha pasayish to‘lqinlari vujudga kelish ehtimoli borligini aytish mumkin”, — dedi Azimjon Narzullayev.
Maʼlumot uchun, 2023-yilning yanvarida sovuq antisiklonning respublikada chuqurroq kirib kelishi fonida respublika katta qismida harorat minus 17–22 darajagacha pasaygan edi.
Iqlimshunos Erkin Abdulahatov “Daryo” nashriga bergan intervyusida O‘zbekistonda oxirgi 20 yillikdagi eng sovuq harorat kuzatilganini aytgandi.
Izoh (0)