Dam olish kunlari O‘zbekiston hududi bo‘ylab havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi, deb xabar bermoqda “O‘zgidromet”.
Qayd etilishicha, havo haroratining asta-sekin ko‘tarilishi davom etadi. 24-noyabr kuni kunduzi harorat 15-18 darajagacha ko‘tariladi, shanba kuniga kelib 17-20 darajagacha, yakshanba kuni esa 20-23 darajagacha isiydi. Harorat kechasi 5-10 daraja iliq atrofida bo‘ladi.
Shamol sharqdan 7-12 metr/sekund tezlikda esadi, bugun kunduzi ba’zi joylarda shamol 15-20 metr/sekungacha kuchayadi.
Toshkentda: 24—26-noyabr kunlari havo o‘zgarib turadi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechalari 7-9 daraja iliq, kunduzi 24-noyabrda 15-17 darajagacha, 25-noyabrda 16-18 daraja, 26-noyabrda 19-21 daraja atrofida bo‘ladi.
Izoh (0)