“Меҳридарё” лойиҳасига Тошкент вилояти Ўрта Чирчиқ туманида яшовчи Кумуш Ҳусанбоева мурожаат қилиб, оққон касаллигини даволаш учун халқдан ёрдам сўради.
— 2013 йил турмушга чиқиб, ўғил фарзандли бўлганман. Афсуски, 2020 йили танамда сабабсиз кўкариш излари пайдо бўлиб, ҳолсизлана бошладим. Шифокорлар текширувдан ўтказиб, менда лейкоз касалли борлигини аниқлашди. Касаллигимни эшитиб, турмуш ўртоғим бизни ташлаб кетди. Касалликнинг зўрайиши сабаб, кўзларим ҳам кўрмай қолганди. Хайриятки, шифокорларнинг ёрдами билан кўзларим бир оз бўлса-да кўра бошлади, аммо тўғри қаролмайман ва узоқни ҳам яхши кўрмайман.
Онам қон босимининг ошиши сабаб ёшлигимизда вафот этган. Синглим билан онасиз катта бўлдик. Ҳозир ҳам оилада фақат отамнинг ўзи ишлайди. У ҳам анча кексайиб қолган, аммо ҳалигача мен ва фарзандимни боқишга мажбур. Фарзандимга отаси алимент тўламайди, ижрочилар ҳам ундириб бериша олмади.
Илгари мен ҳам текстиль фабрикасида ишлардим. Соғлиғим тўғри келмагани учун ҳозирги кунда ҳеч қаерда ишлаётганим йўқ. Айни кунда касалхонага ётиб даволанишим керак. Аммо қўлимда маблағ йўқлиги учун халқдан ёрдам сўрашга мажбурман. Дориларимиз қиммат, давлат томонидан ҳам ёрдам берилади, аммо ўзимиз олишимиз керак бўлганлари ҳам кўп.
Яхши инсонлар соғлигимни тиклашга ёрдам беринглар. Ўғлимнинг камолини кўриш насиб қилсин. У ҳам мендек етимликда улғаймасин, — дейди бемор Кумуш Ҳусанбоева.
Кумуш Ҳусанбоева хайрия қилишни истасангиз,
9860 0824 1874 5756 (Кумуш Хусанбоева — Амонова)
Мурожаат учун: +998 930 416 19 17
Изоҳ (0)