Ijtimoiy tarmoqlarda oyligining ko‘tarilishini Makkaga borib duo qilib so‘ragan Milliy gvardiya xodimi ishdan bo‘shatildi, degan xabar tarqaldi. Videoda Kaʼba oldida bir shaxs “Allohdan yana bir narsani so‘rayapman: Milliy gvardiya tizimning oyliklari tezroq oshsin. Yuqoridan yengiliklar bo‘lib, yangi buyuruqlar chiqsin Eng kami 10 million so‘m bo‘lsin. Pensiyalar ham oshsin”, deb duo qilganini ko‘rish mumkin.
Ushbu holat yuzasidan “Daryo” muxbiri Milliy gvardiya matbuot xizmati rahbari Davron Jumanazarovdan izoh oldi.
“Ushbu shaxsning Milliy gvardiya tizimiga umuman aʼloqasi yo‘q. U Milliy gvardiya tashkil qilinganiga qadar, shu tarkibga kiruvchi oldingi bo‘limlarning birida xizmat qilgan”, — dedi Davron Jumanazarov.
Avvalroq Milliy gvardiya Xorazm viloyati qo‘riqlash boshqarmasi Shovot tumani qo‘riqlash bo‘limi texnik qo‘riqlash markazi boshlig‘i firibgarlik yo‘li bilan 1 ming 400 dollari hamda 1 million 200 ming so‘m olgan vaqtida ushlangani haqida xabar berilgan edi.
Izoh (1)
"белые и пушистые"