Ижтимоий тармоқларда ойлигининг кўтарилишини Маккага бориб дуо қилиб сўраган Миллий гвардия ходими ишдан бўшатилди, деган хабар тарқалди. Видеода Каъба олдида бир шахс “Аллоҳдан яна бир нарсани сўраяпман: Миллий гвардия тизимнинг ойликлари тезроқ ошсин. Юқоридан енгиликлар бўлиб, янги буюруқлар чиқсин Энг ками 10 миллион сўм бўлсин. Пенсиялар ҳам ошсин”, деб дуо қилганини кўриш мумкин.
Ушбу ҳолат юзасидан “Дарё” мухбири Миллий гвардия матбуот хизмати раҳбари Даврон Жуманазаровдан изоҳ олди.
“Ушбу шахснинг Миллий гвардия тизимига умуман аълоқаси йўқ. У Миллий гвардия ташкил қилинганига қадар, шу таркибга кирувчи олдинги бўлимларнинг бирида хизмат қилган”, — деди Даврон Жуманазаров.
Аввалроқ Миллий гвардия Хоразм вилояти қўриқлаш бошқармаси Шовот тумани қўриқлаш бўлими техник қўриқлаш маркази бошлиғи фирибгарлик йўли билан 1 минг 400 доллари ҳамда 1 миллион 200 минг сўм олган вақтида ушлангани ҳақида хабар берилган эди.
Изоҳ (1)
"белые и пушистые"