Ҳиндистонда йўловчи автобуси тоғ йўлидан чиқиб кетиб, чуқур дарага қулаб тушди. Ҳодиса оқибатида 36 киши ҳалок бўлди, 19 киши жароҳат олди, уларнинг аксарияти оғир аҳволда.
Ҳодиса Сринагар шаҳридан 150 километр жанубда жойлашган Дода округи Ассар туманида содир бўлган. Автобус Киштвар шаҳридан Жамму шаҳрига кетаётган эди.
Ҳуқуқ-тартибот идоралари ходимларининг сўзларига кўра, ҳодиса жойига биринчи бўлиб маҳаллий аҳоли етиб келган ва жабрланганларга ёрдам кўрсатган. Автоҳалокат сабаблари ҳозирча номаълум.
Ҳиндистон президенти Драупади Мурму ва бош вазир Нарендра Моди ҳалок бўлганлар яқинларига ҳамдардлик билдирди, дея хабар бермоқда Sinxua агентлиги.
Изоҳ (0)