Prezident Vladimir Putinning fikricha, NATO o‘zining geografik ko‘lamini kengaytirib, Osiyoga kirishga harakat qilmoqda, Qo‘shma Shtatlar esa Osiyo-Tinch okeani mintaqasida keskin vaziyat yaratmoqda.
Bu haqda u Xitoy Xalq Respublikasi Markaziy harbiy kengashi raisi o‘rinbosari Chjan Yusya bilan uchrashuvda ma’lum qildi.
“Biz ba’zi mamlakatlarning o‘z ta’sir zonasini kengaytirishga urinishlarini ko‘rmoqdamiz va Shimoliy Atlantika alyansi o‘z doktrinal hujjatlarini buzgan holda, geografik chegaralaridan tashqariga chiqishga urinmoqda”, — dedi Vladimir Putin.
Rossiya prezidentining so‘zlariga ko‘ra, Qo‘shma Shtatlar NATO davlatlarini Osiyo-Tinch okeani mintaqasida “tang vaziyatni yaratishga” tortmoqda va yangi harbiy-siyosiy ittifoqlar tuzmoqda. Uning so‘zlariga ko‘ra, Rossiya va Xitoy mudofaa qobiliyatini mustahkamlash va qo‘shma mashg‘ulotlar orqali bu kabi harakatlarga “xotirjamlik bilan” javob berish uchun birgalikda harakat qilmoqda.
Izoh (0)