Президент Владимир Путиннинг фикрича, НАТО ўзининг географик кўламини кенгайтириб, Осиёга киришга ҳаракат қилмоқда, Қўшма Штатлар эса Осиё-Тинч океани минтақасида кескин вазият яратмоқда.
Бу ҳақда у Хитой Халқ Республикаси Марказий ҳарбий кенгаши раиси ўринбосари Чжан Юся билан учрашувда маълум қилди.
“Биз баъзи мамлакатларнинг ўз таъсир зонасини кенгайтиришга уринишларини кўрмоқдамиз ва Шимолий Атлантика альянси ўз доктринал ҳужжатларини бузган ҳолда, географик чегараларидан ташқарига чиқишга уринмоқда”, — деди Владимир Путин.
Россия президентининг сўзларига кўра, Қўшма Штатлар НАТО давлатларини Осиё-Тинч океани минтақасида “танг вазиятни яратишга” тортмоқда ва янги ҳарбий-сиёсий иттифоқлар тузмоқда. Унинг сўзларига кўра, Россия ва Хитой мудофаа қобилиятини мустаҳкамлаш ва қўшма машғулотлар орқали бу каби ҳаракатларга “хотиржамлик билан” жавоб бериш учун биргаликда ҳаракат қилмоқда.
Изоҳ (0)