Favqulodda vaziyatlar vazirligi Toshkent shahar Yashnobod tumanida sodir bo‘lgan yong‘in to‘g‘risida ma’lumot berdi.
Qayd etilishicha, 3-noyabr kuni soat 10:40 da tumandagi Jarqo‘rg‘on 3-berk ko‘chasi 163-uyda joylashgan ishlab chiqarish korxonasida yong‘in bo‘layotgani to‘g‘risida FVBga xabar tushgan.
Shunga ko‘ra, 8 ta yong‘in-qutqaruv ekipaji hodisa ro‘y bergan hududga soat 10:45 da yetib borgan. Soat 11:24 da yong‘in qurshab olingan va soat 11:54 batamom o‘chirilgan.
Yong‘in oqibatida fuqarolarni kuyish tan jarohati olish va halok bo‘lish holatlari to‘g‘risida xabar kelib tushmagan.
“Voqea joyiga shahar va tuman FVB rahbar xodimlari chiqqan”, — deyiladi xabarda.
Eslatib o‘tamiz, 14-oktyabr kuni Toshkent shahar Mirobod tumanida joylashgan qurilish binosida yong‘in sodir bo‘lgandi. Undan oldinroq esa Navoiy viloyati Uchquduq tumanida joylashgan sport majmuasida yirik yong‘in yuz bergani to‘g‘risida xabar berilgan edi.
Izoh (0)