Andijon viloyati Baliqchi tumanidagi paxta qabul qilish maskanida yong‘in yuz berdi. Bu haqda Qishloq xo‘jaligi vazirligi matbuot xizmati xabar berdi.
Ma’lum qilinishicha, 16-oktyabr kuni Baliqchi tumani “Nasriddinobod” MFYda joylashgan “Tetratex” MCHJga qarashli paxta qabul qilish maskanida 12 kilogramm paxta xomashyosi yonib ketgan.
“Yong‘in elektr kabellaridagi nosozlik tufayli qisqa tutashuv kelib chiqishi natijasida yuzaga kelgan”, — deyiladi munosabatda.
Yong‘in natijasida “Andijon-36” navli 1-sort 2-sinfga kiruvchi paxtaning yuza qismi yongan, “Tetratex” MCHJ rahbari tomonidan tadbirkorga mahsulotga yetkazilgan zarar aniqlanib, to‘liq qoplab berilgan.
Eslatib o‘tamiz, mart oyida Xorazm viloyati Xiva tumanidagi paxta zavodda yong‘in sodir bo‘lgandi. Yong‘in oqibatida 11 ta paxta g‘aramining yuza qismida taxminan 2500 kilogramm paxta yongan va yong‘indan 2 ta paxta g‘arami saqlab qolingan edi.
Izoh (0)