Futbol bo‘yicha 2034-yilgi Jahon Chempionati Saudiya Arabistonida o‘tkaziladi.
Bu haqida FIFA prezidenti Janni Infantino ma’lum qildi.
FIFA Osiyo va Okeaniya mamlakatlariga musobaqani qabul qilish uchun 31-oktyabrga qadar ariza yuborishni taklif qilgan edi. Saudiya Arabistoni futbol assotsiatsiyasi ushbu muddat tugagunga qadar mezbonlik qilish uchun ariza topshirgan yagona nomzod bo‘ldi.
Avstraliya ham ariza yuborgan edi. Biroq keyinchalik o‘z nomzodini qaytib olishga qaror qildi.
Eslatib o‘tamiz, JCh-2026 AQSh, Kanada va Meksikada bo‘lib o‘tadi. JCh-2030 esa Urugvay, Paragvay, Argentina, Marokash, Ispaniya va Portugaliyada o‘tkazilishi ma’lum bo‘lgandi.
Izoh (0)