Boks bo‘yicha Butunjahon boks ittifoqi (WBC) 2023-yilning noyabr oyida tashkilotning yillik konvensiyasini Toshkent shahrida o‘tkazadi.
Ushbu konvensiya doirasida 17-noyabr kuni “Humo Arena”da boks oqshomi bo‘lib o‘tadi. Unda Abdumalik Halokov prof boksdagi debyut jangini o‘tkazadi. Bu haqida O‘zbekiston professional boks federatsiyasi matbuot xizmati ma’lum qildi.
Halokov ukrainalik Oleksandr Yegorovga (20-9-1) qarshi jang qiladi. Jang yengil vazn (61,2 kg) toifasida tashkil etiladi.
Eslatib o‘tamiz, Abdumalik Xanchjouda bo‘lib o‘tgan Osiyo o‘yinlarida oltin medalni qo‘lga kiritgandi.
Avvalroq, Toshkentdagi katta boks kechasida o‘zbekistonlik charm qo‘lqop ustalaridan Bahodir Jalolov, Mirazizbek Mirzaxalilov, Mujibillo Tursunovlarning ham jang qilishi haqida xabar berilgandi.
Izoh (0)