Бокс бўйича Бутунжаҳон бокс иттифоқи (WBC) 2023 йилнинг ноябрь ойида ташкилотнинг йиллик конвенция сини Тошкент шаҳрида ўтказади.
Ушбу конвенция доирасида 17 ноябрь куни “Ҳумо Арена”да бокс оқшоми бўлиб ўтади. Унда ярим ўрта вазн тоифасида собиқ WBC Силвер камари соҳиби Қудратилло Абдуқаҳоров (18-2) ҳам иштирок этиши маълум бўлди. Бу ҳақида Ўзбекистон профессионал бокс федерацияси матбуот хизмати хабар қилди.
Абдуқаҳҳоров танзаниялик Николас Майкл Мдоэга (13-6-2) қарши жанг ўтказади. Ушбу жанг 8 раунд этиб белгиланган.
Маълумот учун, Қудратилло Абдуқаҳҳоров 31 август куни Москва шаҳрида ташкил этилган профессионал бокс оқшомининг марказий жангида мезбон Магомед Мадиэвга қарши рингга чиққанди. Саккиз раунд тўлиқ давом этган ўша баҳсда Қудратилло рақибига 75:78, 73:79, 73:79 ҳисобида имкониятни бой бериб қўйган эди.
Изоҳ (0)