Prezident yordamchisi Saida Mirziyoyeva 28-oktyabr kuni Xitoy madaniyat va turizm vaziri Xu Xepin boshchiligidagi XXR delegatsiyasi bilan uchrashuv o‘tkazdi. Bu haqda u o‘zining Telegram’dagi kanali orqali ma’lum qildi.
Qayd etilishicha, muloqot davomida O‘zbekiston—Xitoy munosabatlarini madaniy-gumanitar va turizm sohalarida yanada chuqurlashtirish masalalari yuzasidan fikr almashilgan.
“Xususan, O‘zbekiston va Xitoyda turli madaniy tadbirlarni tashkil etish, shuningdek, qadimiy madaniy meros obidalarini asrab-avaylash bo‘yicha rejalashtirilgan qo‘shma loyihalarning amalga oshirilishini atroflicha muhokama qildik”, — deb yozadi Mirziyoyeva.
Eslatib o‘tamiz, Saida Mirziyoyev sentyabr oxirlarida “Arxeologik hamkorlik – Bir makon, bir yo‘l” ko‘rgazmasining ochilishi doirasida ham Xu Xepin uchrashgan edi. 3-oktyabr kuni esa Saida Mirziyoyeva Og‘a Xon jamg‘armasining madaniyat masalalari bo‘yicha bosh direktori bilan uchrashgandi. O‘shanda suhbatimizning asosiy mavzusi — Og‘a Xon jamg‘armasining butun dunyo shaharlari va tarixiy obidalarini qayta tiklash bo‘yicha loyihalarni muvaffaqiyatli amalga oshirib kelayotgan “Tarixiy shaharlar” dasturi bo‘lgan.
Izoh (0)