Superliga. “Bunyodkor” “Neftchi”ga qarshi o‘yinda so‘nggi daqiqalarda gol urib, g‘alabani ilib ketdi

Futbol bo‘yicha O‘zbekiston Superligasining 23-turida “Bunyodkor” 28-oktyabr, shanba kuni “Neftchi”ni qabul qildi.

Uchrashuvning 27-daqiqasida Diyor Turopov qizil kartochka olib, maydonni tark etdi. Qolgan daqiqalarda farg‘onaliklar bir kishi kam bo‘lib o‘ynadi. Birinchi bo‘limda darvozalar ishg‘ol etilmadi.

Ikkinchi bo‘limda Jasurbek Hakimov hisobni ochdi. Oradan 4 daqiqa o‘tib, Zoir Jo‘raboyev muvozanatni tikladi. 81-daqiqada Shohruh Abdurahmonov ham qizil kartochka oldi. Hakam qo‘shib bergan daqiqalarda Umidbek Sultonov “Bunyodkor”ga g‘alaba kelitruvchi gol muallifiga aylandi.

Shu tariqa “Bunyodkor” 31 ochko bilan 8-o‘rinda bormoqda. “Neftchi” esa 38 ochko bilan 5-o‘rindan joy oldi.

Superliga

23-tur

28-oktabr, shanba

“Bunyodkor” – “Neftchi” 2:1

Gollar: 1:0 — 54 Jasurbek Hakimov, 1:1 — 58 Zoir Jo‘raboyev, 2:1 — 90+8 Umidbek Sultonov.

“Bunyodkor”: 71. Sarvar Karimov, 2. Aleksey Nosko, 3. Mahmudjon Mahamadjonov (45. Farhod O‘tkirov, 77), 4. Davronjon Ergashev, 6. Avazbek O‘lmasaliyev (19. Bilol Tupliyev, 46), 8. Shohruhbek Abdurahmonov, 10. Rasul Yo‘ldoshev (99. Umidbek Sultonov, 85), 11. Igor Ivanovich (22. Usmonali Ismonaliyev, 77), 15. Jasurbek Hakimov, 29. Muzaffar Olimjonov, 30. Velington Taira.

“Neftchi”: 12. Vladimir Nazarov, 2. Zoir Jo‘raboyev, 7. Umar Adhamzoda, 19. Mirzohid G‘ofurov (13. Lutfulla To‘rayev, 75), 20. Anvarjon G‘ofurov, 21. Muhsinjon Ubaydullayev, 22. Giorgiy Nikabadze (9. Ulug‘bek Hoshimov, 62), 23. Diyorjon Turopov, 24. G‘ulom-Haydar G‘ulomov, 28. Fozil Musayev (70. Abbosjon G‘ulomov, 46), 77. Bilolxon Toshmirzayev.

Ogohlantirishlar: Igor Ivanovich (7), Anvarjon G‘ofurov (20), Avazbek O‘lmasaliyev (32), Mahmud Mahamadjonov (45+4), Umar Adhamzoda (47), Shohruh Abdurahmonov (62), Jasur Hakimov (79), Usmonali Ismonaliyev (81).

Chetlatishlar: Diyorjon Turopov (27), SHohruh Abdurahmonov (81).