Yevropa Ligasi. “Liverpul” 6 ta gol urilgan o‘yinda fransuz klubini tor-mor etdi, “Roma” o‘zida ishonchli hisobda g‘alaba qozondi

Futbol bo‘yicha Yevropa Ligasining 3-turidan o‘rin olgan o‘yinlar 26-oktyabr, payshanba kuni bo‘lib o‘tdi. 

“Liverpul” o‘z maydonida “Tuluza”ni qabul qildi va 5:1 hisobida g‘alaba qozondi. Mersisaydliklar safida Darvin Nunyes, Rayan Gravenberx, Diogu Jota, Muhammad Saloh va Vataru Endo o‘z hisobiga gol yozdirib qo‘ydi. Fransuz klubi tarkibida Tis Dallinga yagona gol muallifiga aylandi.

“Roma” “Slaviya”ga qarshi bahs olib bordi. Uchrashuvning birinchi daqiqasidayoq rimliklar hisobni ochdi. Edoardo Bove jarima maydoni tashqarisidan ajoyib zarba bilan darvozani ishg‘ol qildi. 17-daqiqada Romelu Lukaku o‘z hisobiga gol yozdirdi. Qolgan daqiqalarda darvozalar ishg‘ol etilmadi va Rim klubi zafar quchdi.

“Brayton” “Ayaks”ni mehmon qildi. Birinchi bo‘lim so‘ngida Joau Pedro inglizlarni hisobda oldinga olib chiqdi. Ikkinchi bo‘limda “Brayton” hisobni ishonchli ko‘rinishga olib keldi. Bu safar Ansu Fati darvozani ishg‘ol qildi. Shu tariqa ingliz klubi 3 ochkoni qo‘lga kiritdi.

Yevropa Ligasi

3-tur

26-oktyabr, payshanba

“Liverpul” – “Tuluza” 5:1

Gollar: 1:0 – 9 Diogu Jota, 1:1 – 16 Dallinga, 2:1 – 30 Endo, 3:1 – 34 Nunyes, 4:1 – 65 Gravenberx, 5:1 – 90 Saloh.

“Liverpul”: Kellexer, Aleksander-Arnold (Gakpo, 67), Matip, Gomes, Chembers (Kuansa, 67), Endo, Jons (Makkonnell, 89), Gravenberx (Saloh, 70), Elliott, Diogu Jota, Nunyes (Skenlon, 66).

“Tuluza”: Rest, Desler (Kamansi, 73), Nikolaysen, Kosta, Diarra, Suaso (Magri, 67), Shmidt, Syerro, Kasseres (Sesar Helabert, 67), Dennum (Janro, 67), Dallinga (Begraui, 80).

Ogohlantirish: Elliott (75).

“Roma” – “Slaviya” 2:0

Gollar: 1:0 – 1 Bove, 2:0 – 17 Lukaku.

“Roma”: Svilar, Chelik, Lyorente, Manchini, Ndika, Zalevski (Karsdorp, 70), Kristante, Auar (Kerubini, 89), Bove (Paredes, 46), ash-Shaaravi (Belotti, 70), Lukaku (Pagano, 83).

“Slaviya”: Mandous, Vlchek, Ogbu, Golesh, Dumitresku (Provod, 65), Doudera, Dorli, Masopust (Yurasek, 46), Zafeiris (Yurechka, 82), van Byuren (Xitil, 71), Shrans (Vallem, 65).

Ogohlantirishlar: Bove (23), Masopust (27), Ndika (68).

“Brayton” – “Ayaks” 2:0

Gollar: 1:0 – 42 Joau Pedro, 2:0 – 53 Fati.

“Brayton”: Stil, Veltman, Dank, van Xekke (Uebster, 85), Milner (Daud, 85), Mitoma, Gross, Gilmor (Baleba, 64), Adengra, Fati (Buonanotte, 64), Joau Pedro (Fergyuson, 75).

“Ayaks”: Ramay, Goei, Shutalo, Xato, Sosa, Taylor, Tahirovich (van den Bomen, 60), Bergeys (Godts, 60), Bergveyn (Akpom, 75), Borjesh (Hlinsson, 46), Brobbi (Vos, 75).

Ogohlantirishlar: Mitoma (22), van Xekke (31).