Futbol bo‘yicha Yevropa Chempionlar Ligasining guruh bosqichi 3-turidan o‘rin olgan qator o‘yinlar 25-oktyabr, chorshanba kuni bo‘lib o‘tdi.
F guruhida “PSJ” “Milan”ga qarshi bahs olib bordi. Uchrashuv parijliklarning 3:0 hisobidagi g‘alabasi bilan yakunlandi. Parij klubi safida Kilian Mbappe, Kolo Muani va Li Kan In o‘z hisobiga gol yozdirib qo‘ydi.
Guruhning ikkinchi o‘yinida “Nyukasl” va “Borussiya D” o‘zaro kurash olib bordi. Uchrashuvning 45-daqiqasida Feliks Nmecha tomonidan urilgan gol dortmundliklarga kichik hisobdagi g‘alabani olib keldi.
“Manchester Siti” “Yang Boys” mehmoni bo‘ldi. Birinchi bo‘limda darvozalar ishg‘ol etilmadi. Ikkinchi bo‘limning boshidayoq “shaharliklar” hisobni ochdi. 48-daqiqada Manuel Akanji gol muallifiga aylandi. Oradan 4 daqiqa o‘tib, Meshak Elia hisobni tenglashtirdi. 67-daqiqada Erling Holand penaltidan unumli foydalandi va “Manchester Siti”ni yana hisobda oldinga olib chiqdi. 86-daqiqada esa Holand dublni rasmiylashtirib, uchrashuvga yakuniy nuqtani qo‘ydi.
Shuningdek, “Atletiko” “Seltik” bilan 2:2 hisobida durang qayd etdi, “Portu” “Royal Antverpen” ustidan 4:1 hisobida g‘alaba qozondi.
YCHL
3-tur
25-oktyabr, chorshanba
“PSJ” – “Milan” 3:0
Gollar: 1:0 – 32 Mbappe, 2:0 – 53 Kolo-Muani, 3:0 – 89 Li Kan In.
“PSJ”: Donnarumma, Hakimi, Markinyos, Shkrinyar, Ernandes, Ugarte (Fabian Ruis, 71), Vitinya, Zair-Emeri, Dembele (Li Kan In, 71), Mbappe, Kolo-Muani (Gonsalu Ramush, 82).
“Milan”: Menyan, Kalulu, Tomori, Tiav (Kalabriya, 46), Ernandes, Krunich (Adli, 77), Reynders, Musa (Pobega, 77), Pulishich, Rafael Leau, Jiru.
Ogohlantirishlar: Tiav (4), Krunich (7), Hakimi (16), Dembele (44), Tomori (61), Kalulu (62).
“Yang Boys” – “Manchester Siti” 1:3
Gollar: 0:1 – 48 Akanji, 1:1 – 52 Elia, 1:2 – 67 Holand (penalti), 1:3 – 86 Holand.
“Yang Boys”: Rachoppi, Blum (Janko, 80), Benito, Kamara, Garsiya (Persson, 80), Lauper (Males, 80), Ugrinich, Nyasse, Elia, Itten (Nsame, 73), Joel Monteyru (Ganvula, 73).
“Manchester Siti”: Ederson, Ake, Ruben Diash, Akanji, Lyuis, Kovachich, Grilish, Rodri, Mateush Nunesh (Alvares, 72), Doku (Bernardu Silva, 72), Holand.
Ogohlantirishlar: Joel Monteyru (4), Kamara (64).
“Nyukasl” – “Borussiya D” 0:1
Gol: 0:1 – 45 Nmecha.
“Nyukasl”: Poup, Trippyer, Sher, Lassels, Bern (Targett, 70), Bruno Gimaraes, Longstaff (Tonali, 65), Almiron, Joelinton (Merfi, 65; Uillok, 70), Gordon, Isak (Uilson, 15).
“Borussiya D”: Kobel, Hummels, Shlotterbek, Bensebayni, Zabitser, Jan (Ozjan, 43), Nmecha (Reyna, 79), Volf, Roys (Adeyemi, 63), Malen (Zyule, 78), Fyullkrug (Aller, 79).
Ogohlantirishlar: Volf (35), Bruno Gimaraes (79).
“Seltik” – “Atletiko” 2:2
Gollar: 1:0 – 4 Furuxasi, 1:1 – 25 Grizmann, 2:1 – 28 Palma, 2:2 – 53 Morata.
“Antverpen” – “Portu” 1:4
Gollar: 1:0 – 37 Yusuf, 1:1 – 46 Evanilson, 1:2 – 54 Eushtakiu, 1:3 – 69 Evanilson, 1:4 – 84 Evanilson.
“Leypsig” – “Srvena Zvezda” 3:1
Gollar: 1:0 – 12 Raum, 2:0 – 59 Simons, 2:1 – 70 Stamenich, 3:1 – 84 Olmo.
Izoh (0)