Abdulla Azizov Farmatsevtika tarmog‘ini rivojlantirish agentligi direktori etib tayinlandi, deb xabar beradi “Yuz.uz”.
Fevral oyida Farmatsevtika tarmog‘ini rivojlantirish agentligi sobiq rahbari Sardor Kariyev qamoqqa olingani to‘g‘risida xabar berilgandi.
Abdulla Azizov 1981-yilda tug‘ilgan. 2003-yil Yaponiyaning Nagoya universitetida iqtisodiyot yo‘nalishini, 2004-yilda Jahon iqtisodiyoti va diplomatiya universitetining Xalqaro iqtisodiy munosabatlar fakultetini tamomlagan. 2006-yili Daniyaning Orxus universitetida moliya va xalqaro biznes yo‘nalishi bo‘yicha magistr darajasini olgan. 2006-yilda Orxus texnika kollejini IT-dasturchi mutaxassisligi bo‘yicha tamomlab, ushbu yo‘nalishda mehnat faoliyatini boshlagan.
U 2006—2019-yillarda Daniyaning Maersk A/S, DONG Energy A/S, Carlsberg A/S, Implement consulting group, “Vestas A/S hamda Danfoss kompaniyasida moliyaviy biznes loyihalarini avtomatlashtirish sohasida yuqori standartlarni joriy qilish boshqarmasi boshlig‘i lavozimida ishlab kelgan.
2019-yil sentyabr oyidan 2020-yil iyul oyiga qadar Davlat soliq qo‘mitasi raisi o‘rinbosari lavozimida faoliyat yuritgan. 2020-yilning iyulidan 2022-yil yanvarga qadar sog‘liqni saqlash vaziri o‘rinbosari lavozimida ishladi. Mazkur tayinlovga qadar esa “Olmaliq kon-metallurgiya kombinati” boshqaruvi raisining raqamlashtirish bo‘yicha o‘rinbosari lavozimida faoliyat yuritib kelayotgan edi.
Izoh (0)