Gollivud yulduzi Meril Strip 45 yillik turmushdan so‘ng umr yo‘ldoshi – haykaltarosh Don Gammer bilan ajrashishga qaror qildi.
Ijodkorning rasmiy vakili juftlik aslida 6 yildan beri birga yashamasligini aytib o‘tgan.
“Don Gammer va Meril Stripning ajralishganiga 6 yil bo‘lgan, ular bir-birlari haqida qayg‘urishda davom etsalar ham bundan buyon alohida yashashga qaror qilishgan”, – deydi aktrisaning ishonchli vakili.
Meril Stripning o‘zi ham, uning sobiq turmush o‘rtog‘i ham ajrim haqidagi yangilikka hech qanday izoh bermagan. Bundan tashqari, aktrisani shu kunlarda Princesa de Asturias Awards 2023 taqdimot marosimida qo‘liga nikoh uzugini taqib olgan holatda ko‘rishgan.
Juftlik oxirgi marta 2018-yili “Oskar” mukofotining taqdirlash marosimida birgalikda ko‘rinish bergan edilar.
Izoh (0)