Shavkat Mirziyoyev hududlar rivoji, aholi turmushi bilan tanishish maqsadida Qashqadaryo viloyatiga jo‘nab ketdi. Bu haqda Prezident matbuot xizmati xabar berdi.
Tashrif davomida sanoat korxonalari, taʼlim va tibbiyot muassasalari, mahallalarda bo‘lish rejalashtirilgan. Shuningdek, viloyatni ijtimoiy-iqtisodiy rivojlantirish bo‘yicha yil yakunigacha va kelgusi yilda amalga oshiriladigan vazifalar yuzasidan yig‘ilish o‘tkazish ko‘zda tutilgan.
Eslatib o‘tamiz, Shavkat Mirziyoyev ijtimoiy-iqtisodiy islohotlarning borishi bilan tanishish maqsadida 24-fevral kuni Qashqadaryo viloyatiga borgandi. Undan oldin esa davlat rahbari 2022-yil 21-aprel kuni Qashqadaryo viloyatiga tashrif buyurgan edi. O‘shanda davlat rahbari Koson tumanidagi “Do‘stlik” mahalla fuqarolar yig‘ini hududida qurilayotgan “Yangi O‘zbekiston” mavzesi uylarini borib ko‘rdi. “Yashirmayman, men pul bilan keldim”, degandi Shavkat Mirziyoyev ko‘kdala tumaniga borganida.
Izoh (0)