20-oktyabr kuni Tenge Bank qozoq madaniyatining anʼanalari, xalq amaliy sanʼati va qadriyatlari birligini targ‘ib qilishga qaratilgan hamda Qozog‘iston Halyk bankining 100-yilligini nishonlashga bag‘ishlangan “Qozog‘iston madaniy merosi” festivalini tashkil qildi.
Tadbir dasturidan musiqa va raqs shousi, milliy liboslar ko‘rgazmasi, hunarmandchilik buyumlari, qozoq milliy suvenirlari, uy-ro‘zg‘or buyumlari va zargarlik buyumlari yarmarkasi o‘rin olgan.
Tashrif buyurganlarga O‘zbekiston qozoq milliy madaniyat markazi jamoalari, Turkiston viloyati madaniyat va turizm boshqarmasi Shamshi Kaldayakov nomidagi viloyat filarmoniyasi sanʼatkorlari, shuningdek, Olmaota shahridan “Qagan” ansamblining chiqishlari namoyish etildi.
Bayramning maxsus mehmonlari O‘zbekiston yoshlar ittifoqi qoshidagi “Mehrli qo‘llar” nogironligi bo‘lgan yoshlar va bolalar markazi NNT tomonidan taklif etilgan bolalar bo‘lib, inklyuziv muhit yaratish maqsadida sahnada aytilgan barcha dialoglar surdo-tarjimon bilan yetkazildi.
Yig‘ilganlarni qutlar ekan, ATB “Tenge Bank” boshqaruvi raisi Ayupov Talgat Joldasbekovich va Qozog‘iston Respublikasining O‘zbekiston Respublikasidagi elchixonasi vazir-maslahatchisi Iskakov Jasulan Baxtiyarovich nafaqat iqtisodiy, balki madaniy-ijtimoiy hamkorlikning ahamiyati va birligini, qo‘shni xalqlar o‘rtasidagi aloqalarni taʼkidladi.
Festival mehmonlari musiqiy qismdan tashqari milliy taomlardan tatib ko‘rishlari, kamondan otib ko‘rishlari, ot minishdan bahramand bo‘lishlari va katta oltibakan minishlari mumkin edi.
Bayram tadbiri dirijyor Alibek Kabduraxmonov boshchiligidagi O‘zbekiston Milliy simfonik orkestri jo‘rligida O‘zbekiston xalq artisti Jenisbek Piyazovning g‘arb xitlari va qozoq xalq qo‘shiqlari ijrosi bilan yakunlandi.
“Joriy yilda Halyk banki o‘zining 100-yilligini nishonlamoqda, bunda maʼrifiy loyihalar, xayriya va madaniy tadbirlar o‘rin olgan “100 ta xayrli ish” aksiyasi o‘tkazilmoqda.
Biz sho‘ba bank sifatida turli ekologik va ijtimoiy loyihalarga ham katta eʼtibor qaratamiz. Bugungi festival ushbu tashabbuslarni qo‘llab-quvvatlagan holda Qozog‘iston va O‘zbekiston xalqlarining yaqinlashuvining yaxshi ko‘rsatkichidir”, — Ayupov Talgat, Tenge bank boshqaruvi raisi.
Tenge Bank zamonaviy bank texnologiyalaridan foydalangan holda barcha toifadagi korporativ va chakana mijozlarga moliyaviy xizmatlar ko‘rsatadigan universal bankdir. Bank Qozog‘iston Xalq Bankining (Halyk Bank) 100 foiz sho‘ba korxonasi hisoblanadi.
Halyk Bank Qozog‘istondagi yirik tizimli ahamiyatga ega banklardan biri, Halyk Group tarkibiga kiradi va keng mijozlar bazasi, mavjud tarmoqqa ega bo‘lgan Markaziy Osiyodagi yetakchi banklardan biridir.
Halyk Group chakana va korporativ mijozlarga, kichik va o‘rta biznesga bank xizmatlarining to‘liq spektrini, shuningdek, sug‘urta, lizing, brokerlik va aktivlarni boshqarish xizmatlarini taklif etadi.
Halyk Group Gruziya, Qirg‘iziston va O‘zbekistonda ham faoliyat yuritadi.
Reklama huquqi asosida.
Izoh (0)