20-oktyabr kuni Jizzax viloyatidagi ADM Jizzakh korxonasida tantanali 10 000 sonli Chery avtomobilining ishlab chiqarilishi bo‘lib o‘tdi. Shunday qilib, Chery brendi qo‘shaloq bayramni: o‘zining tashkil topgan kuni va yubileyli avtomobilning ishlab chiqarilishi tantanasini nishonladi.
Marosim ADM Jizzakh korxonasi hududida o‘tkazilib, unda ikkala tomon ham yubiley avtomobilida o‘z imzolarini qoldirishdi.
Chery International prezidenti janob Chjan Guybinning taʼkidlashicha, bugungi kunda O‘zbekiston XXRning strategik hamkorlaridan biridir, Jizzakh viloyati esa foydali va muvaffaqiyatli hamkorlik namunalaridan biridir. Shuningdek u, bularning hammasi kelajakdagi rejalarga erishishning ilk bosqichi ekanini taʼkidladi.
“Biz bugungi muvaffaqiyatimizdan juda faxrlanamiz. Lekin bundan ham ko‘proq, biz ushbu hodisani amalga oshishiga imkon yaratgan O‘zbekistondagi ko‘plab mijozlarimizga hamda shu yil davomida sifat, xizmat ko‘rsatish darajasini saqlab qolish va Chery brendi bilan shiori bo‘lgan innovatsiyalarga doimiy intilish uchun tinimsiz mehnat qilgan ADM Global kompaniyasining mehnatkash xodimlariga minnatdorchilik bildiramiz”, — dedi ADM Global kompaniyasining bosh direktori Daniyar Davletiyarov.
Aytish joizki, ADM Jizzakh korxonasi qurilishi 2020-yilda boshlanib, rasmiy ochilishi 2021-yilning bahorida bo‘lib o‘tgan. 2021-yil oxirida esa yangi CKD korxonasining qurilishi boshlangan.
Yangi korxona — kompaniyani O‘zbekiston bozorida yuqori darajada mahalliylashish bo‘yicha strategiyasining bir qismidir. Majmua 75 gektar maydonda joylashgan bo‘lib, barqaror rivojlanish konsepsiyasiga muvofiq atrof-muhitni muhofaza qilish va energiyani tejash sohasida innovatsion muhandislik yechimlaridan foydalangan holda zamonaviy uskunalar bilan jihozlanadi.
Loyihaga 250 million dollardan ortiq sarmoya kiritiladi va korxonaning quvvati yiliga 100 mingdan ortiq avtomobilni tashkil etadi.
CKD korxonasining ishga tushirilishi 2024-yilning mart oyiga rejalashtirilgan.
Тelefon: (+998) 71-202-69-99
Instagram: @admjizzakh
YouTube: ADMJizzakh
Reklama huquqi asosida.
Izoh (0)