20 октябрь куни Tenge Bank қозоқ маданиятининг анъаналари, халқ амалий санъати ва қадриятлари бирлигини тарғиб қилишга қаратилган ҳамда Қозоғистон Halyk банкининг 100 йиллигини нишонлашга бағишланган “Қозоғистон маданий мероси” фестивалини ташкил қилди.
Тадбир дастуридан мусиқа ва рақс шоуси, миллий либослар кўргазмаси, ҳунармандчилик буюмлари, қозоқ миллий сувенирлари, уй-рўзғор буюмлари ва заргарлик буюмлари ярмаркаси ўрин олган.
Ташриф буюрганларга Ўзбекистон қозоқ миллий маданият маркази жамоалари, Туркистон вилояти маданият ва туризм бошқармаси Шамши Калдаяков номидаги вилоят филармонияси санъаткорлари, шунингдек, Олмаота шаҳридан “Қаган” ансамблининг чиқишлари намойиш этилди.
Байрамнинг махсус меҳмонлари Ўзбекистон ёшлар иттифоқи қошидаги “Меҳрли қўллар” ногиронлиги бўлган ёшлар ва болалар маркази ННТ томонидан таклиф этилган болалар бўлиб, инклюзив муҳит яратиш мақсадида саҳнада айтилган барча диалоглар сурдо-таржимон билан етказилди.
Йиғилганларни қутлар экан, АТБ “Tenge Bank” бошқаруви раиси Аюпов Талгат Жолдасбекович ва Қозоғистон Республикасининг Ўзбекистон Республикасидаги элчихонаси вазир-маслаҳатчиси Искаков Жасулан Бахтиярович нафақат иқтисодий, балки маданий-ижтимоий ҳамкорликнинг аҳамияти ва бирлигини, қўшни халқлар ўртасидаги алоқаларни таъкидлади.
Фестиваль меҳмонлари мусиқий қисмдан ташқари миллий таомлардан татиб кўришлари, камондан отиб кўришлари, от минишдан баҳраманд бўлишлари ва катта олтибакан минишлари мумкин эди.
Байрам тадбири дирижёр Алибек Кабдурахмонов бошчилигидаги Ўзбекистон Миллий симфоник оркестри жўрлигида Ўзбекистон халқ артисти Женисбек Пиязовнинг ғарб хитлари ва қозоқ халқ қўшиқлари ижроси билан якунланди.
“Жорий йилда Halyk банки ўзининг 100 йиллигини нишонламоқда, бунда маърифий лойиҳалар, хайрия ва маданий тадбирлар ўрин олган “100 та хайрли иш” акцияси ўтказилмоқда.
Биз шўба банк сифатида турли экологик ва ижтимоий лойиҳаларга ҳам катта эътибор қаратамиз. Бугунги фестиваль ушбу ташаббусларни қўллаб-қувватлаган ҳолда Қозоғистон ва Ўзбекистон халқларининг яқинлашувининг яхши кўрсаткичидир”, — Аюпов Талгат, Тенге банк бошқаруви раиси.
Tenge Bank замонавий банк технологияларидан фойдаланган ҳолда барча тоифадаги корпоратив ва чакана мижозларга молиявий хизматлар кўрсатадиган универсал банкдир. Банк Қозоғистон Халқ Банкининг (Halyk Банк) 100 фоиз шўба корхонаси ҳисобланади.
Halyk Банк Қозоғистондаги йирик тизимли аҳамиятга эга банклардан бири, Halyk Group таркибига киради ва кенг мижозлар базаси, мавжуд тармоққа эга бўлган Марказий Осиёдаги етакчи банклардан биридир.
Halyk Group чакана ва корпоратив мижозларга, кичик ва ўрта бизнесга банк хизматларининг тўлиқ спектрини, шунингдек, суғурта, лизинг, брокерлик ва активларни бошқариш хизматларини таклиф этади.
Halyk Group Грузия, Қирғизистон ва Ўзбекистонда ҳам фаолият юритади.
Реклама ҳуқуқи асосида.
Изоҳ (0)