Toshkent shahrida joylashgan korxonalarning birida cho‘l burguti tutqunlikda saqlanayotgani aniqlandi. Bu haqda Ekologiya boshqarmasi axborot xizmati xabar berdi.
Maʼlum qilinishicha, Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi Yakkasaroy bo‘limiga kelib tushgan murojaatga asosan, hudud inspektorlari tuman hududida joylashgan “Yo‘lovchi poyezdlarini taʼmirlash”AJ hududida o‘rganish olib bordi. O‘rganish yakunlariga ko‘ra, korxona hududida 1 dona cho‘l burguti tutqunlikda saqlanayotgani aniqlandi.
Ushbu holat Toshkent hayvonot bog‘i mutaxassislari ko‘magida bartaraf etilib, burgut hayvonot bog‘iga olib ketildi. Burgutni noqonuniy saqlaganlarga nisbatan esa Maʼmuriy javobgarlik to‘g‘risidagi kodeksning 90-moddasiga muvofiq bazaviy hisoblash miqdorining 15 baravari miqdorida, yaʼni 4 950 000 so‘m jarima qo‘llandi.
Izoh (0)