Jizzax viloyati Zafarobod tumanida parvarish qilinganidan so‘ng yirtqich qush tabiat qo‘yniga qaytarildi. Bu haqda Davlat ekologiya qo‘mitasi xabar qildi.
Qayd etilishicha, Zafarobod tumani “Chimqo‘rg‘on” MFYda 4-iyun kuni yosh bolalar tomonidan yirtqich qush tutib olingan. Ucha olmay qolgan burgut bolasi veterinar ko‘rigidan o‘tkazilgan va ahvoli nazorat qilingan. Yirtqich qush parvarish qilish uchun vaqtincha Zafarobod tuman veterinariya bo‘limi nazoratiga berilgan.
Oradan 17 kun o‘tib, qush bolasi to‘liq parvarish qilingandan keyin uchishga shay holatga kelgan. 21-iyun kuni Zafarobod tumani ekologiya va atrof-muhitni muhofaza qilish bo‘limi inspektori hamda tuman veterinariya bo‘limi xodimi bilan birgalikda yirtqich qushni tabiat qo‘yniga qo‘yib yuborgan.
Mavzuga doir:
Izoh (0)