Toshkent shahar Yakkasaroy tumani Bobur ko‘chasida 13-oktyabr kuni soat 22:30 larda sodir bo‘lgan yo‘l-transport hodisasi oqibatida piyodalar jarohat oldi.
“Gazeta.uz”ning poytaxt IIBBga tayanib yozishicha, 18 yoshli Spark haydovchisi SH.T. harakat vaqtida boshqaruvni yo‘qotib, piyodalar yo‘lagida uch piyodani urib yuborgan. Ijtimoiy tarmoqlarda tarqalgan videoda haydovchi katta tezlikda xavfli manyovrni amalga oshirgani, tormozni bosganida esa avtomobil piyodalar yo‘lagiga chiqib ketganini ko‘rish mumkin.
YTH oqibatida uch nafar Hindiston fuqarosi — 40 yoshli P.X., I.R. va 45 yoshli X.A. jarohat olgani hamda ular shifoxonaga yotqizilgani aytilmoqda. Haydovchiga birinchi tez tibbiy yordam ko‘rsatilgan, halok bo‘lganlar yo‘q.
Holat yuzasidan Toshkent shahar IIBB xodimlari tomonidan tergovga qadar tekshiruv harakatlari olib borilmoqda.
Izoh (0)