Тошкент шаҳар Яккасарой тумани Бобур кўчасида 13 октябрь куни соат 22:30 ларда содир бўлган йўл-транспорт ҳодисаси оқибатида пиёдалар жароҳат олди.
“Газета.уз”нинг пойтахт ИИББга таяниб ёзишича, 18 ёшли Spark ҳайдовчиси Ш.Т. ҳаракат вақтида бошқарувни йўқотиб, пиёдалар йўлагида уч пиёдани уриб юборган. Ижтимоий тармоқларда тарқалган видеода ҳайдовчи катта тезликда хавфли манёврни амалга оширгани, тормозни босганида эса автомобиль пиёдалар йўлагига чиқиб кетганини кўриш мумкин.
ЙТҲ оқибатида уч нафар Ҳиндистон фуқароси — 40 ёшли П.Х., И.Р. ва 45 ёшли Х.А. жароҳат олгани ҳамда улар шифохонага ётқизилгани айтилмоқда. Ҳайдовчига биринчи тез тиббий ёрдам кўрсатилган, ҳалок бўлганлар йўқ.
Ҳолат юзасидан Тошкент шаҳар ИИББ ходимлари томонидан терговга қадар текширув ҳаракатлари олиб борилмоқда.
Изоҳ (0)