“Меҳридарё” лойиҳасига Қашқадарё вилояти, Касби туманида яшовчи Лобар Қодирова мурожаат қилиб, турмуш ўртоғини даволатиш учун халқдан ёрдам сўради.
— Турмуш ўртоғим Эркин Усмонов 1986 йил туғилган. У билан оила қуриб, уч ўғил фарзандли бўлганмиз. 2013 йил турмуш ўртоғимда жигар циррози аниқланди. 10 йил давомида касалликни даволашга ҳаракат қилдик. Аммо самара бўлмади.
Шифокорларнинг айтишича, касалликни даволашнинг ягона чораси жигар кўчириб ўтказиш операцияси экан. Таҳлил натижаларини ҳинд шифокорларига кўрсатганимизда, “Даволашнинг имкони бор. Беморни зудлик билан Ҳиндистонга олиб келинглар”, дейишди.
Аммо хорижда ўтказиладиган операция 23-25 минг АҚШ долларига ўтказилар экан. Қўшимчасига йўл пули ва у ерда яшаш пулларини ҳам тўплашимиз керак. Аммо бизда бунча маблағ йўқ. Қариндошларимдан олган тақдиримда ҳам узоғи 3-4 минг АҚШ долларини тўплай оламан, холос. Қайнонам ҳам узоқ йиллар кўкрак саратони билан курашган. Иккита қайним ҳам молиявий жиҳатдан бизга ёрдам беролмайди. Уч нафар ўғлимнинг бахтига турмуш ўртоғим соғайиб кетишини хоҳлайман.
Шу боис, халқдан ёрдам сўрашга мажбур бўлдим. Яхши инсонлар сизларнинг ёрдамингиз билан турмуш ўртоғим соғайиб, аввалгидек ҳаётга қайтса ажаб эмас. Ҳозир аҳволи ниҳоятда оғир. Қорни шишиб, умуман ҳаракатлана олмай қолади. Қорнидан сув олдирамиз, аммо у чекаётган азобни сўз билан тасвирлаб беролмайман, — дейди беморнинг турмуш ўртоғи Лобар Қодирова.
Эркин Усмоновга хайрия қилишни истасангиз,
8600 0424 7621 3078 (Усмонов Эркин ХХХ)
Мурожаат учун: +998 99 527 90 06
Изоҳ (0)