O‘zbekiston prezidenti Shavkat Mirziyoyev amaliy tashrif bilan Bishkek shahriga yetib bordi. Bu haqda Prezident matbuot xizmati xabar berdi.
“Manas” xalqaro aeroportida davlatimiz rahbarini Qirg‘iziston Vazirlar Mahkamasi raisi — Prezident Administratsiyasi rahbari Aqilbek Japarov va boshqa rasmiy shaxslar kutib oldi.
Bugun, 13-oktyabr kuni Qirg‘iziston poytaxtida Mustaqil Davlatlar Hamdo‘stligi sammiti bo‘lib o‘tadi. Davlat rahbarlari kengashining navbatdagi majlisi kun tartibidan MDH doirasidagi ko‘p tomonlama hamkorlikni yanada kengaytirish, jumladan, savdo, investitsiyalar, sanoat kooperatsiyasi, innovatsiyalar, raqamlashtirish, transport, taʼlim, madaniyat va boshqa sohalarda qo‘shma dastur va loyihalarni amalga oshirish masalalari o‘rin olgan.
.jpg)
Eslatib o‘tamiz, Shavkat Mirziyoyev rafiqasi bilan birga 26-yanvar kuni davlat tashrifi bilan Bishkek shahriga borgandi. Oliy darajadagi muzokaralar kun tartibidan O‘zbekiston—Qirg‘iziston do‘stlik, yaxshi qo‘shnichilik va strategik sheriklik munosabatlarini yanada mustahkamlash masalalari muhokama qilingan.
Iyun oyida esa O‘zbekiston prezidenti Cho‘lponota shahrida “Markaziy Osiyo — Yevropa Ittifoqi” ikkinchi sammitida ishtirok etgan edi.
Izoh (0)