Ўзбекистон президенти Шавкат Мирзиёев амалий ташриф билан Бишкек шаҳрига етиб борди. Бу ҳақда Президент матбуот хизмати хабар берди.
“Манас” халқаро аэропортида давлатимиз раҳбарини Қирғизистон Вазирлар Маҳкамаси раиси — Президент Администрацияси раҳбари Ақилбек Жапаров ва бошқа расмий шахслар кутиб олди.
Бугун, 13 октябрь куни Қирғизистон пойтахтида Мустақил Давлатлар Ҳамдўстлиги саммити бўлиб ўтади. Давлат раҳбарлари кенгашининг навбатдаги мажлиси кун тартибидан МДҲ доирасидаги кўп томонлама ҳамкорликни янада кенгайтириш, жумладан, савдо, инвестициялар, саноат кооперацияси, инновациялар, рақамлаштириш, транспорт, таълим, маданият ва бошқа соҳаларда қўшма дастур ва лойиҳаларни амалга ошириш масалалари ўрин олган.
.jpg)
Эслатиб ўтамиз, Шавкат Мирзиёев рафиқаси билан бирга 26 январь куни давлат ташрифи билан Бишкек шаҳрига борганди. Олий даражадаги музокаралар кун тартибидан Ўзбекистон—Қирғизистон дўстлик, яхши қўшничилик ва стратегик шериклик муносабатларини янада мустаҳкамлаш масалалари муҳокама қилинган.
Июнь ойида эса Ўзбекистон президенти Чўлпонота шаҳрида “Марказий Осиё — Европа Иттифоқи” иккинчи саммитида иштирок этган эди.
Изоҳ (0)