G‘azo janubidagi shifoxonalar to‘lib-toshgan — BMT

G‘azo sektorining janubidagi shifoxonalar allaqachon to‘lib bo‘lgan, bu shifoxonalarga shimoldagi jarohatlangan va yaradorlarni ko‘chirish imkonsiz. Bu haqda BMTning Falastindagi Gumanitar masalalarni muvofiqlashtirish boshqarmasi xabar qildi.

“Ommaviy ko‘chish bemorlar, yaradorlar hayotini xavf ostiga qo‘yadi. Shundoq ham G‘azoda sog‘liqni saqlash tizimi jar yoqasida turibdi. G‘azo sektorining janubidagi shifoxonalar to‘lgan va yangi bemorlarni sig‘dira olmaydi”, — deyiladi xabarda.

“G‘azo aholisining ehtiyojlarini qo‘llab-quvvatlashni davom ettirishga qaror qilgan BMT agentliklari insonparvarlik yordamining uzluksiz yetkazilishini ta’minlash uchun xodimlarini hududning janubiy qismiga joylashtirmoqda”, deyiladi BMTning Falastindagi Gumanitar masalalarni muvofiqlashtirish boshqarmasi xabarida.