MDH Davlat rahbarlari sammitida rus tili bo‘yicha xalqaro tashkilotni tuzish to‘g‘risidagi bitim imzolandi

Bishkekda bo‘lib o‘tgan MDH Davlat rahbarlari sammitida rus tili bo‘yicha xalqaro tashkilotni tuzish to‘g‘risidagi bitim imzolandi.

Bunday tuzilmani tashkil etish tashabbusi avvalroq Qozog‘iston prezidenti Qosim-Jo‘mart To‘qayev tomonidan bildirilgan edi. Rossiya yetakchisi Vladimir Putin rus tili tashkilotining bosh qarorgohini Sochida joylashtirishni taklif qildi. U, shuningdek, tashkilotning faoliyati tez orada boshlanishiga umid bildirdi.

Vladimir Putin shunday tashkilotni yaratish g‘oyasi uchun Qosim-Jo‘mart To‘qayevga minnatdorchilik bildirdi.

“Qosim-Jo‘mart Kemelyevich, ushbu tashabbusingiz uchun sizga katta rahmat”, — dedi Putin.

Rossiya Federatsiyasi prezidentining yordamchisi Yuriy Ushakov ta’kidlaganidek, yangi tashkilot “Hamdo‘stlik maydoni bilan cheklanmaydi” va barcha manfaatdor davlatlar a’zo bo‘lishi uchun ochiq bo’ladi.