Ikki alohida davlat tuzish orqali Falastin—Isroil mojarosiga barham berish mumkin. Bu haqda Turkiya prezidenti Rajab Toyyib Erdo‘g‘on fransiyalik hamkasbi Emmanuel Makron bilan telefon muloqoti chog‘ida ma’lum qildi, deb yozadi “TASS”.
Uning so‘zlariga ko‘ra, G‘arb davlatlari Falastin—Isroil mojarosidagi keskinlikni kamaytirish choralarini ko‘rishi kerak.
“Prezident Erdo‘g‘on G‘azoda tinch aholiga nisbatan inson huquqlari poymol qilinishini qabul qilib bo‘lmasligini va Turkiya ularga yordam yetkazish uchun harakat qilayotganini aytdi.
Shuningdek, Erdo‘g‘on, ayniqsa, G‘arb davlatlari taranglikni kamaytirish uchun chora ko‘rishi kerakligini va tinchlikka xizmat qilmaydigan sa’y-harakatlardan qochishi kerakligini aytdi”, — deyiladi Turkiya prezidenti devoni tomonidan e’lon qilingan xabarda.
Izoh (0)